王志偉調職非壞事

猪拉多纳

　　一如所料，王志偉的牌照落空，縱得小告與阿航為他撐腰，結果也是白忙一場。賭博士並非講風涼話，只是本欄早已兩度預測，偉仔的騎照必凍過水。

　　原因在於，偉仔成績低沉絕非近季之事，馬場最講現實，騎師表現一旦走下坡，各倉主便望而生畏，就算你與幕後相熟，偶爾獲得策騎帥印，但你一次搏失，兩次又搏失，來到第三次，還有人願意委以重任嗎？換言之，馬會董事局的決定恰當之極。

　　坦白講，賭博士對偉仔失落騎照，不感傷悲，反覺開心。既然從騎生涯注定玩完，如今心無雜念，便叠埋心水轉任騎馬人。事實上，騎馬人誠是一條理想出路，工作危險性遠較騎師低，每月收入也相對穩定，不會隨着成績優劣而忽多忽少，只要肯學肯做，當有機會扶搖直上。

　　話時話，可惜賭博士當年入行無門，否則也有興趣任騎馬人，如今一把年紀，講乜都嘥氣。偉仔得此際遇應好好珍惜！