騎師最忌一心二用

猪拉多纳

　　騎師出閘走邊條線、陣上爭位、攞位，以至轉完直路由邊度殺上，一定要一眼關七，唔打醒十二分精神，只係自己顧自己，或者冇多少遠見，真係唔容易跑好一場賽事。

　　隻眼四圍望係好正常，但有時望多幾眼係無謂，倒不如唔好分神，一心一意仲好過，想講嘅係關鍵時刻，即係終點前最後幾十米，有啲騎師習慣會望吓有冇對手追上嚟，若果冇馬在附近，自己就放慢節奏，呢啲係人之常情，唔覺有問題。但知道有馬拍緊上嚟，瞄兩眼之後，好應該自己做自己份內事，烏低頭死騎爛騎，仲乜要繼續望左望右，搞到要一心二用。

　　雖然表面上騎師手有手郁，隻眼周圍望唔會有影響，但其實已經分心，仲要擔心有人追緊上嚟，雙重壓力下，點會冇降低策騎水準。