好草不怕回頭吃

猪拉多纳

　　馬主安排名下馬轉倉，通常不離愛駒欠表現，亦可能是練馬師養馬量「爆倉」，馬匹被逼他投。

　　雖云「好馬不吃回頭草」，但馬圈離合已司空見慣，既然沒有永遠敵人，計落反而更應要「好草不怕回頭吃」。正如谷草專家「美猴王」，這匹自購新馬在09/10年馬季首度在港出賽，當時由文家良訓練的牠，首季九戰獲5冠1亞1季及一席第五（見表），並於該屆跑馬地百萬挑戰盃勇奪亞軍，成績令人欣羡。翌季牠出賽九次獲冠亞各一，可能成績未合乎幕後預期，結果在11/12年馬季轉由高伯新訓練，但八度上陣僅得一亞，表現更差難怪上季轉投苗廐，但全季四度出賽亦悉數不入三甲。

　　現時「美猴王」已重投文廐之餘，同主馬「勁猴王」亦由苗廐加盟，文家良難得重獲馬主信任，正路必會盡拼務求省靚招牌，馬迷不妨留意該兩駒今季的進度。