費倫巴治落後3粒焗攻

猪拉多纳

廠仔反擊戰「大」派用場

夏天轉會市場就嚟閂，阿仙奴領隊雲格會唔會出手買人成為焦點，球迷批評佢「守財」，但又唔可以唔服佢嘅領軍能力，啲人傷晒、兵源有限都可以喺歐聯附加賽首回合作客大勝費倫巴治。今晚次回合返到主場有3球喺手，費倫巴治冇得揀惟有焗攻，撞正廠仔反擊戰煞食，兩隊有望合演入球騷，玩1.54倍入球大。（有線61及201周三凌晨2:45直播）
中後場多傷兵 前線禾仔孭飛

雲格買人向來遲到好過冇到，尤其繼續要喺多條戰線出擊，增兵係當務之急，難怪呢排傳完斟卡比耶，又話對迪馬利亞有興趣。不過無論轉會市場點樣發展，今晚阿仙奴都要靠現有人腳應付。華美倫、阿迪達、戴亞比同阿歷士張伯倫等等球星養緊傷，中後場可以用嘅人其實唔多。反而鋒線人腳充裕少少，禾確特、基奧特同路斯基狀態都唔錯，辛迪卡索拉亦逐漸上力，戰鬥力有番咁上下。
費倫巴治歐聯告別戰？

費倫巴治依家陷出局邊緣，而且有關佢哋打假波被罰停賽嘅上訴案，預計呢兩日就會有結果，一旦上訴失敗，今屆同下一屆都會被禁止參加歐聯，班球員梗係當正呢場係告別戰，為名譽而戰嘅格局踢，希望打出漂亮一仗，留番個好印象。以古積特同韋保等前鋒嘅質素，費倫巴治的確有本錢大踢進攻足球，今場睇怕都係大手交易，入球大好穩陣。
首回合：阿客勝3:0

頂占筍盤：阿仙奴（入球大）