美斯韋拿射手對決 巴塞馬體會鬥入波

猪拉多纳

西超盃次回合Show Time

「華麗 Vs 平實」之戰今晚爆發！西班牙超級盃嚟到次回合，輪到馬德里體育會作客巴塞隆拿，「地上最強」首回合以1:1逼和馬體會，擁有作客入球優勢，但相信一班巨星仍會努力爭取「士哥」求穩陣捧盃，但開局極佳嘅馬體會當然唔會坐以待斃，一班實而不華嘅射手肯定繼續同主隊駁火，就算入球中位數開到3.5球，照捧2.05倍入球大啦！

（now632台周四清晨5:00直播）

巴塞陣中粒粒皆星，除咗將會迎來巴塞第100戰嘅法比加斯、同埋獲沙維激讚「注定會出人頭地」嘅尼馬外，美斯亦都已經喺前日復操，今場照計可以上陣，有番呢位馬體會守將祖奧米蘭達講明「最好唔踢得」嘅「球王」壓陣，「地上最強」有望終止近兩場火力麻麻嘅頹勢。
美斯復操回歸正選

巴塞首回合只係靠作客入球優勢佔上風，捧盃未穩陣鬥心一定強，而且巴塞不嬲都係「主場龍」，近6次喺魯營鬥馬體會，有5場都至少入3粒，今場有側擊力強嘅丹尼爾，及啱啱續約嘅中場核心布斯基斯齊齊踢番正選，數多幾球絕對冇難度。

馬體會嘅星味一定比唔上巴塞，不過就肯定夠晒實際喇，新援韋拿雖然已經上咗年紀，但首回合正係靠佢入靚波先保住奪冠希望。魯爾加西亞上仗聯賽梅開二度，講明會喺今晚「做番齣好戲畀球迷睇」嘅迪亞高哥斯達更係3場入3粒，咁嘅火力要射穿仍然未買到中堅嘅巴塞絕非冇可能o架！今晚無論鹿死誰手，都肯定係一場精彩「大」戰！
首回合︰巴客和1:1

美斯恰死馬體會

巴塞隆拿近8戰開出6次入球大。

巴塞近6次喺主場鬥馬體會全勝，其中5場至少淨勝3球。

巴塞近6次同馬體會交手，美斯射入10球。
魯營交手威慣捧「讓主」

巴塞隆拿近年一直剋住馬體會，尤其喺魯營球場更經常以至少3球差距大勝，今場更有對住呢支馬德里球隊例牌有好表現嘅美斯復出，就算後防失波，前面都一定入得番夠數炒起對手，1.74倍「讓主」捧得過o架！