波圖鑊氣勁-1手到拿來

猪拉多纳

阿King今日睇中一場葡超波圖作客鬥費利拿，費利拿今季因要兼顧歐聯附加賽搞到表現走晒樣，相反波圖開季順到不得了，連續三場都能攻入對手三球，1.74倍「讓球客勝」可作為過關重心。

（有線155台周一凌晨零時45分直播）

費利拿上季力壓布拉加、士砵亭成為葡超季軍，演出令人眼前一亮，可惜由於班費有限，加上球員又冇歐洲賽經驗，早前出戰歐聯附加賽畀辛尼特蹂躪，最慘係搞到本土成績都受影響，聯賽開季兩戰全敗兼冇入波，今場仲要面對班霸波圖隨時再被打沉。

波圖今季開局非常理想，連同葡超盃在內已經連贏三場，而且一共攻入九球，除咗連續三場有士哥嘅哥倫比亞射手積臣馬天尼斯狀態大勇，其同胞祖安昆特路、葡萄牙鋒將歷卡都有上佳演出，火力有保證。上季波圖主客兩循環都能淨勝費利拿兩粒，今仗開出「讓球客勝」冇難度。
格羅寧根馬賽兩場捧大

另外，荷甲格羅寧根主場鬥阿積士，格羅寧根四場聯賽已經炮製了十八個入球，平均每場有四個入球出現，面對擅攻嘅阿積士，中位數調至3.5球都要捧大。

（now 670周日晚6時30分直播）

最後法甲馬賽主場對摩納哥，摩納哥今季來勢洶洶，不過馬賽開季三戰全勝亦唔係人咁品，主場出擊唔會龜縮，2.25倍大盤抵玩。

（周一凌晨3時開賽）