全職業化管理東方有前途

猪拉多纳

Peter近年專攻講波，執教生涯早已畫上句號，只是在車路士足球學校、荃灣及東方擔任技術顧問，其中對母會東方充滿情意結。東方在全職業化組織管理下，今季強勢重返甲組，今日出戰屯門，Peter義本無言，必會入場力撐。
免費巴士接載睇開咧戰

貴為90年代嘅香港班霸，儘管沉寂多年，不過「大東方」規模唔嘢小，唔單止教練團及球員班底雄厚，由擅於管理嘅老臣梁守志做總監，縱橫球壇多年嘅康寶駒擔任主席，而會長林建名已喺球隊坐鎮三十多年，經驗豐富，加上有贊助商東方沙龍作強大後盾，在這種全職業化嘅模式帶動下，Peter對母會嘅前景非常樂觀。

至於東方對球迷亦照顧周到，今日會安排兩架旅遊巴，在中午12時30分至2時30分期間，不斷於荃灣西鐵站及葵芳港鐵站接載球迷到城門谷球場，欣賞球隊嘅開咧戰，如果係球迷會會員，完場後仲可以跟球員及職員，齊齊去如心廣場擦自助餐，歡度愉快嘅周日，所以希望東方今仗能踢番場爭氣波，等我同一班「老東方躉」可以老懷大慰。
金句：崔護重來 情懷猶在 東山再起 母會東方