帕爾馬退熱見真章

猪拉多纳

大戶睇起冇死錯人

肥叔早前去完歐洲四圍睇睇，近期就到東南亞各地走咗轉，近年新加坡、馬來西亞、越南及柬埔寨等地菠菜業發展得唔錯，呢啲菠菜公司同歐洲莊家最大嘅分別係資訊科技水平冇咁高，梗係冇人咁完善o架喇，但起碼做到百花齊放，菠菜氣氛相當好。

部分東南亞國家直頭發牌畀人做莊，唔使偷偷摸摸喺地下搞。生意係就係有得做，但始終都係好難做，齋做散客冇乜作為，同班職業賭徒鬥智鬥力就要冒極大風險，若果風險管理做得唔好，分分鐘出事，再加上同業之間競爭好大，搵食真係好艱難。

今晚有多場重量級大戰。英超「雙紅會」成為市場焦點，普遍莊家開平手，部分行家開利物浦讓平半，曼聯下盤低水。自莫耶斯領軍後，「紅魔鬼」評級被調低，上次主場對車路士都有平手，班波踢落冇走樣，今場肥叔睇好曼聯。
作客烏甸尼斯受讓筍

至於意甲球隊帕爾馬上周獲大戶大力支持，結果飛到波唔到，唔少跟風客損手。班大戶向來識計數，佢哋睇得帕爾馬咁高，點會死錯人吖，今次佢哋作客烏甸尼斯退晒熱，現時受讓半球，盤口着數，跟多場冇壞，要下盤。（周一凌晨2時45分開賽）