凱沙主場勁上盤夠筍

猪拉多纳

今晚德乙有場凱沙羅頓主場迎戰科特布斯，客軍今次失去包辦球隊一半入球嘅主力前鋒辛洛高，火力受嚴重打擊，以佢哋低迷嘅作客戰績，今次造訪主場表現出色嘅凱沙羅頓都幾難有好下場，當然直取1.93倍上盤啦！（開賽時間：周二凌晨2:15）

凱沙羅頓雖然啱啱喺客場吞咗阿倫4蛋，但係呢隊波喺兩場主場賽事都有好表現，今次回歸自己地頭絕對值得信賴。今仗佢哋有前鋒艾迪素停賽，好彩頂替嘅西蒙祖拿亦有一定質素，早前鬥恩高斯達特就曾經梅開二度，而且今次對手係作客極度唔掂嘅科特布斯，要贏波絕對冇難度。科特布斯今場亦都有作為火力泉源嘅射手辛洛高坐波監，正選左閘比度夫亦都要陪住佢齊齊坐波監，攻守各缺一大將，認真大鑊！科軍近9場作客只係得1勝，名副其實係「作客蟲」。