法比安奴復出撐聖保羅上盤

猪拉多纳

淪落到降班區掙扎嘅老牌勁旅聖保羅，聽朝喺巴甲作客包尾大幡紐迪高，肯定唔會留手力求大勝一鋪。雖然話聖保羅近排要經歷8日4戰嘅死亡快車之旅，好彩係佢哋今仗有前鋒艾萊斯奧同路爾斯法比安奴齊齊波監刑滿復出，強陣出擊下作客小讓平半，梗係捧1.86倍上盤啦！

（開賽時間：周三早上8:00）
包尾大幡紐迪高4連敗

聖保羅今季表現令人失望，目前以16戰得15分排尾二，雖然球季仲有超過一半要打，但再唔生性，下季乙組再見又有乜出奇？唯一慶幸係佢哋呢一輪演出有起色，近4戰取得1勝3和，搵得番節奏又點會驚魚腩紐迪高先。再者，話就話佢哋尋日朝先鬥完保地花高，但兩大射手因為當日坐波監，反而因禍得福，體力得以保持，今仗真係猛虎出柙，有力省番幾粒o架！

紐迪高呢邊，15戰得8分排包尾，同尾二聖保羅都有7分差距，當地傳媒都睇死佢哋會降班冇得掹。以佢哋聯賽4連敗走勢，輸到冇晒信心，就算話今仗有地利都信唔過啦！