烏茲別克乘勇撲擊約旦

猪拉多纳

世盃外圍賽亞洲區第5圈賽事今晚上演，約旦首回合主場對烏茲別克，平手都冇着數，因為烏茲別克嘅教頭卡西莫夫，經歷過06年世盃外圍賽臨尾香出局嘅慘痛經歷後，今次應該會更加謹慎，加上佢上任後烏茲別克信心返晒嚟，即使冇得受讓都博得過。

（now671台周六凌晨0:00直播）
主帥吸取教訓戰意爆燈

兩隊分別係「10強賽」兩組中嘅第3名，晉級嘅話，就會同南美洲區外圍賽第5名爭決賽周資格。雖然約旦喺上一圈主場贏過澳洲同日本，證明自己唔係魚腩，但佢哋嘅陣容其實好削吓，前鋒巴華比係皇馬青訓出身，射手艾沙菲就効力過薩丁，除此之外？對唔住，冇乜邊個值得留意嘞！

烏茲別克方面，佢哋上一圈試過作客砌低伊朗，隊長迪積佩洛夫更曾經係亞洲足球先生，而且教練卡西莫夫上年6月上任後，領軍喺外圍賽連續打沉卡塔爾、伊朗同黎巴嫩，記得佢喺05年烏茲別克對巴林嘅第4圈大戰，曾經以球員身份感受錯過世盃決賽周嘅悲痛，所以賽前佢話希望人民給予力量爭勝，戰意無敵值捧。
南美洲區賽制

9支球隊進行雙循環比賽，前4名連同主辦國巴西直接出線決賽周。
中北美洲區賽制

現為第4圈階段，6支球隊進行雙循環比賽，前3名將直接出線決賽周，第4名將與大洋洲區首名進行主客兩回合制附加賽，爭逐出線決賽周席位。
非洲區賽制

現為第2圈階段，40隊分10組，每組4隊進行雙循環比賽，各組首名將晉級下一圈。若出現同分，將順序以總球差、總入球數、對賽得分、對賽球差、對賽入球數排名，若仍未能分出高低，將於中立場進行一場過賽事決定名次。

亞洲區第5圈