德國炒唔起「同根」奧地利

猪拉多纳

後防穿窿對手熟路

夏季轉會窗關閉前一刻，最震撼的新聞當然是皇馬球星奧斯爾轉戰英超，由星期六堅決表示留隊，到星期一事情出現180度轉變，箇中故事成為大家近日談論焦點。今周適逢國際賽日，奧斯爾可暫時拋開有關球會的各種思慮，專心為德國隊出戰奧地利（now632台周六凌晨2:45直播）及法羅群島的世界盃外圍賽。從種族及文化角度出發，德國與奧地利確實有着千絲萬縷嘅關係，日耳曼人是兩國主要人口，德語亦是兩國主要語言，名副其實「本是同根生」。

歷史上早在德國未成立以前，奧地利帝國已經是德意志邦聯裏最具實力的邦國，及後普魯士崛起將奧地利擊敗並統一德國，直接令奧地利帝國分裂並陷入中衰嘅局面。到了二次世界大戰期間，希特拉更曾將奧地利兼併，令奧地利人民活在納粹陰影之下，絕對是「相煎何太急」。
拜仁阿拉巴撐起奧軍

足球場上，奧地利人對德國同樣又愛又恨。由於地域及語言接近，德甲是很多奧地利球員攀向歐洲大球會的踏腳石，今次21人大軍便有三分一在德國搵食；另一方面，大賽成績、對賽往績奧地利就完全被德國比下去。但隨着奧地利近年舉辦過2008歐國盃，繼而加大青訓力度，一眾年輕小將得到歐洲豪門垂青，繼阿拉巴在拜仁揚名立萬後，年僅22歲司職中堅的達高域早前亦受意甲勁旅國米垂青，最終他選擇轉投基輔戴拿模。

德軍近期比賽呈後防不穩情況，對瑞典、美國及巴拉圭均失3球或以上，加上奧地利球員對德軍瞭如指掌，對陣形勢將會拉近不少，相信德軍只可小勝而回。