宇宙駿駒先拔頭籌

猪拉多纳

　　轉眼間馬季又開鑼，希望各位《成報》讀者今日齊齊贏錢！先推介頭場「宇宙駿駒」，雖然上季跑過多仗都贏唔到，但亦先後三次入Q，證明有一定戰鬥力。加上評分亦由上季初50減到依家30，今次季內初出即刻搵嚟韋達操刀，點睇都唔係陪跑格局，值得一捧。

　　另一匹心水係第八場「飲食之星」，上季尾響田草1200米開齋之役，姿態真係輕鬆得緊要，三扒兩撥已經彈甩「心理學家」近三個身位，質素如何唔使多講。

　　今次「飲食之星」升上三班作賽，唔見得會有任何阻力，跨季連捷冇問題。(張敬山)