龍華太旨縮程博冷

猪拉多纳

　　告仔剛戰連下三城，今晚他遣五駒上陣，預期會備受注視。然而方廐剛戰憑「君子一言」熱食尾胡，還有「乖乖寶貝」和「勁綵」走入位置，攻勢也不簡單，只是告仔佳績當前，風頭盡被蓋過而已。

　　講開又講，「君子一言」、「勁綵」和「乖乖寶貝」有一共通點，就是俱為久久未勝之馬，其中後駒更屬處子之身；賭博士心諗，小方今季的搏殺策略，似乎偏重以邊線馬作先頭部隊，趁對手狀態尚未撻起，便趕緊先下手為強！

　　第三場「龍華太旨」上季十三戰未勝，最叻只得一次第三，今仗縱排三檔，臨場亦應無人問津。惟話分兩頭，剛季尾牠跑谷草1650米入位，評分有觸底徵兆，能應付一哩之馬，今跑最低級數的谷草1000米，計卡士經已贏盡對手。路程會否嫌短，答案唯有小方才知，但季初縮程照計並無不可，反正今場勢成冷門，賠率和味博得過。

　　飛天龍駒捨難取易

　　再講出戰頭場五班賽的「飛天龍駒」，自上季初兩勝之後便原地踏步，質素見盡之馬，求功唯有捨難取易，這次報爭有贏馬根據的谷草1000米，配潘頓兼排靚檔必有計。（賭博士）