聖保羅細盤邦到手

猪拉多纳

巴甲明早又有四場賽事，包括榜尾護級大戰聖保羅主場對邦迪比達。傳統名牌聖保羅搞到淪為下游分子，實在令人唏噓，慶幸近況有起色，今仗主W亦熱爆至1.4倍，似乎備受莊家睇好。不過考慮聖保羅攻力疲弱，即使贏波估計都係小勝，阿King揀入球細。

（周五早上8時開賽）
法林明高細盤再追

聖保羅成績大幅倒退，好大程度上因為射手路爾斯法比安奴長期缺態，入球產量大減，球隊破門乏力之下，一度連續十二場聯賽不勝。聖保羅近期終於學精咗，既然難入波，惟有鞏固防守，以唔輸為前提，採取穩守突擊，攞得一分得一分，成績有谷底回起迹象，包括悶和前列球隊保地花高，今仗應會繼續沿用呢個策略。邦迪比達聯賽六連敗，作客更加難發圍，而且佢哋近三次同聖保羅交鋒都開細，其中兩次互交白卷，有埋績支持，細盤值得再追。

另外兩支名牌交手，法林明高主場對山度士，雙方近八次碰頭七次開細，黃金攤路當然再追。至於明尼路主場對哥列迪巴，哥軍近六次作客輸五場，受讓半一都要唔過，捧明尼路上盤。