靚橙隨時殺晒

猪拉多纳

　　真是意想不到，谷草開鑼戰竟是徐雨石出盡風頭；更加出人意表是「清新空氣」、「金紫荊」和「嶺峯」順序贏馬，賠率居然隻比隻冷，可見石哥部署出神入化。除此之外，後兩駒起用新人田泰安和彭利力，如此藝高人膽大之舉，也反映石哥自信爆棚，愈來愈具大將風範。

　　今次賽事，石哥再來出馬五匹，驟眼睇全屬籮底貨色，跑入位置經已上上大吉。然而值得斟酌的是，列陣第五場的「靚橙」，此駒既不配田泰安，也不用彭利力，今次換上另一新人歐道樂。箇中原因，難道石哥欲再次證明自己是有料之人？無論任用誰人，旗下馬匹一樣識贏？

　　事實上，回看今季田草開鑼戰，當日石哥已將「銀飛龍」交予歐道樂操刀，並且殺入冷位，騎練早有合作默契。來到今次的「靚橙」，此駒上季久拼無功，由曾跑四歲馬一級賽，減分至現居四班。但不可不知，牠曾於89分水平跑田草1600米輸一乘許，對比如今57分，若交出昔日水準，當可掃晒。