勁酒王實力超群

猪拉多纳

　　今期第一口孖T由兩場短途賽組合而成，頭關第三場三班1200米，蔡廐質新馬「勁酒王」在港六戰，三次跑入前四名都在田草短途賽，一次跑1000米獲亞，兩次跑1200米獲亞殿各一。

　　據上季表現看來，「勁酒王」氣量未養成之餘，陣上偶爾亦有不聽話的情況，所以遲遲未能交代可以理解。來到今季，這匹澳洲自購馬已經五歲，一定比上季成熟，要贏馬交代其實不難。今次牠回配馬偉昌，此駒曾於上季總場次679三班1200米配騎者獲亞，雖然輸給頭馬「步步友」兩個多馬位，但亦彈甩季軍「城中話題」兩個幾馬位，足證實力超班，屬此場QT穩膽。

　　尾關四班泥地1200米，這場喪搶之馬甚多，倒不如揀後上馬「升力」，此駒上季雖然十二戰只得一季，但陣上不時見牠交出強橫追勁，就以上季總場次218三班谷草1200米為例，牠於慢步速下力追頭馬「強風駿馬」，最終僅輸兩個馬位得第七。現時減至42分，在四班負輕磅上陣，隨時爆冷。(洋超)