美斯抱囝囝坐車被抽秤

猪拉多纳

美斯呢排真係多是非，繼逃稅案後，佢又牽涉一單違反當地交通條例案。美斯被當地電視台影到抱住囝囝私家車後坐，原來當地法律規定，身高未夠1.35米嘅兒童，一定要坐安全座椅上，否則家長會被罰200歐元。
巴塞心煩對西維爾吼細

雖然200歐元對美斯係濕濕碎，但佢被西班牙交通部發言人公開批評教壞人，又一次被私人事煩住晒，唔知會唔會影響場上表現。

嚟緊周日凌晨巴塞隆拿主場對西維爾，由於剛踢完世盃外圍賽，主帥馬天奴可能會讓美斯等南美外援休息，養精蓄銳迎接歐聯，攻力或受削，西維爾作客魯營一向只求輸少當贏，今場大細中位數調高至3.5球，揀入球細好過。