摩納哥「讓主」打「羅」在望

猪拉多纳

雲尼亞里要報答班主「豪裝」

做人最緊要識得知恩圖報，好似摩納哥教頭雲尼阿里咁吖，早兩日讚老闆喺今夏轉會窗掃貨令佢喜出望外，「豪裝」過後對冠軍都冇要求一步到位，遇着個咁好嘅「波士」，今晚法甲喺主場迎戰羅連安特當然會砌盡「報恩」，吼實1.83倍「讓主」。

（開賽時間：周日晚8:00）

雲尼阿里最近接受《米蘭體育報》專訪，講到自己喺夏天轉會窗(目及)實占士洛迪古斯同積臣馬天尼斯嗰陣，班主突然問佢鍾唔鍾意法卡奧，回答鍾意即刻開定支票，隨後對方知道自己對干度比亞有興趣，二話不說又豪擲1,800萬歐元激活買斷條款。難得摩納哥大舉掃貨後，班主話球會發展要循序漸進，今季聯賽只以三甲為目標，咁好嘅「波士」去邊度搵？

再者法卡奧登陸法甲後明顯超班，夥拍利維亞尼攻堅更加予取予攜，包辦摩納哥至今8個聯賽入球。至於法國新星干度比亞可以頂替養傷嘅杜拿蘭之外，摩天奴同占士洛迪古斯呢對猛將加盟後未獲重用，靜候機會上位，今場遇着聯賽作客吞蛋兩連敗，兼夾箭頭艾利亞迪里同基西亞打晒柴，中場10號仔哥達迪亞亦都傷咗大腿筋嘅羅連安特，簡直係用牛刀劏雞，贏兩球閒閒哋。