歡笑多多馬主夠眼光

猪拉多纳

上季成績唯一唔達標嘅練馬師李易達，喺尋日跑至季內第三個回合，憑「歡笑多多」一放到底，馬房敲響今季勝鼓。
       

對於呢匹馬今次轉場即勝，李易達就話馬主盧銓鏗應寄首功，事關呢匹馬喺新西蘭嘅時候，已經係佢名下，對於愛駒性能可以講得係瞭如指掌。原本上季諗住進度未足，揀喺跑馬地起步，可以恃質攞到好成績，無奈最後效果一般，始終呢匹馬喺外地一戰即勝都係喺大場，所以馬主就建議「歡笑多多」不如轉番喺沙田出擊，結果真係試出彩虹，證明幕後嘅眼光真係夠晒專業。
       
走勢仍未成熟

至於李易達就話「歡笑多多」今場直路走勢仲係閃出閃入，擺到明仲未完全成熟，長線嚟講日後增程跑千四米，都應該無問題。