畢爾包搶W心切

猪拉多纳

新主場開張誌慶

今晚賽事唔多，阿King對西甲壓軸戰畢爾包火併切爾達特別有興趣，今場係畢爾包於新主場嘅首騷，大軍士氣如虹誓要搶頭彩，切爾達新仔太多經驗不足，今仗無力阻頭阻勢，阿King決定強捧主勝，賀一賀「巴斯克雄獅」新主場開張大吉。

（周二凌晨4時開賽）
切爾達新仔多輸經驗

畢爾包在重作馮婦嘅主帥華爾維迪帶隊下，今季重拾佳態，上仗作客輸畀皇馬但演出唔曳。之前因新球場工程未搞掂，令畢爾包要借死敵皇家蘇斯達的安奴達球場比賽，不過佢哋嘅新聖馬美斯球場今仗正式啟用，日前首次入內進行訓練，已經吸引到大批球迷前來撐場，可見粉絲熱切期待，因此畢爾包一定好想踢番場漂亮勝仗作為回饋。

切爾達在前巴塞名將安歷基帶領下，刻意提拔多名新仔，包括方達斯、拉芬拿艾簡達拿等，但略嫌經驗唔夠，之前對愛斯賓奴及CF格蘭納達於領先之下被逼和，難頂畢爾包三叉戟馬高蘇沙亞達、阿度里斯及蒙尼恩來襲，一於捧「巴斯克雄獅」新主場首騷旗開得勝。
幸運薛達受讓筍爆

至於荷乙燕豪芬青年隊主場對幸運薛達，燕豪芬青年隊已經連輸4仗，成班生牯仔踢到冇晒信心，相反幸運薛達重上正軌，有力打落水狗，薛達仲有得受讓認真筍到暈，一於揀「讓球客勝」。

（周二凌晨2時開賽）