似上季霍勵賢 田泰安勢頭勁

猪拉多纳

　　田泰安開季後三期賽事上陣25場，贏咗2W，係咪好叻？點都唔會係囉，相比起小將呂卓賢，後者早已成功起孖，又頻頻有坐騎闖入前列，單睇騎師排名，已知邊個叻啲。

　　但田泰安深得一眾練馬師歡迎，今期又出馬滿額，支持度一直高企，真係羨慕死好多人。睇佢依家氣勢，只要唔係有咩意外或做衰咗自己，成績必可拍得住上季霍勵賢。

　　大東海優先考慮

　　今晚佢8匹坐騎之中，頭場「大東海」已要優先考慮，跌到得番18分，五班負113磅輕飄飄，一哩又唔係唔識跑，擺得阿田，已表明來意，何況，隔夜票數有晒「腥氣」。

　　第七場「馬得利」，呢匹馬唔贏就冇P，表現可以好極端，上季唔係未見過贏完一場之後，再出在同一路程跑包尾，如果今場鍾意，齋W一注夠嘞。講到實力方面，撼贏過「勁感」及「如虎添翼」，三班有得跑，夾埋配搭及排檔有利條件，隨時贏埋。