精圖易配寶中

不死鸟

呢個禮拜真係好玩，高見昨日同成班朋友又過去澳門睇澳港盃，今日先坐早船返�a沙田睇跑馬，呢個復活節假期安排都幾充實，而且呢兩日聽埋唔少料，有幾場所謂重點重心如「加州滿意」、「長勝」及「家家寶」等都相當行貨，趁復活節開心�校瑩嬰b必定搏命但最低班?「精圖」畀大家參考。葉楚航昨日勇奪澳港盃，旺氣逼人，今日屯重兵又可繼續數胡。

咪睇「精圖」係匹八歲老馬，但今季依然跑得食得，狀態由季初弗到依家，馬房保養功夫真係有一手，上次雖然重戴眼罩跑1600米，馬房當日一心配合「心中有勁」、「真財實料」而來，可惜鞍上人王志偉陣上發揮稍稍失去平日水準，未能夠成功截擊叛將「一代宗師」之餘，只跑回一席第三，最後連Ｑ都撻埋，同頭馬「尖子」只差半個馬位，所以難怪人馬解鞍回來時，練者阿航亦面有難色。不過，好在老馬跑完體重不跌反升，所以馬房亦把握機會，今次立即搵番贏馬拍檔柏寶幫手，天文台預計今日可能間中有雨，屆時如場地不太硬的話，對呢匹游水馬更合發揮，捧Ｗ或作膽都博得過。