巴塞第二作客波衫夠環保

猪拉多纳

「一剔牌」繼續堅持環保概念，佢哋剛為巴塞隆拿設計嘅第二作客全黑金邊波衫，每件用咗13個回收礦泉水膠樽製造，只係重150克，比以往輕咗23%，既通爽又環保，眾將一定like爆。
作客炒得起華歷簡奴

周中巴塞喺歐聯大炒阿積士，其實主帥馬天奴係強忍喪父之痛領軍，賽後佢急急返去阿根廷搞老竇嘅身後事，未知能否趕及今晚作客華歷簡奴督師。為表心意，美斯等球星必以實際行動，用一場大勝安慰丁父憂嘅馬帥，況且華軍自2011年升班後，兩次喺自己地頭對巴塞共吞12蛋，真係未踢已經腳仔軟，就算「地上最強」讓到兩球照捧「讓球客勝」。