丹普西想開齋撐海灣者半W

猪拉多纳

美職聽朝上演西岸大戰，洛杉磯銀河喺主場對西雅圖海灣者，兩隊都有超強火力，不過銀河射手當路雲需要帶傷上陣，難免影響全隊發揮，對家海灣者今季有41%機會半場領先，而且有丹普西等緊開齋入波，半場勝有4.25倍值得捧場。
銀河當路雲帶傷上陣

最近銀河有翻生迹象，追到上西岸第3位，可惜吖，主力當路雲喺上星期以2:2打和華盛頓聯隊嘅比賽受傷，周中銀河以副選陣容喺中冠盃以1:0解決梅塔帕，佢當然冇份踢啦，不過教練艾連拿自爆，嚟緊今場西岸大戰點都會預當路雲一份，美國傳媒就話，當路雲出席周四操練嘅時候，明顯未好番晒。

對家方面，海灣者近9場有8勝1負，上星期以2:0打沉皇家鹽湖城升埋上美職榜首，最近離開英超加盟海灣者嘅丹普西仲話，家人已安頓晒喺美國，佢唔使再分心，係時候嚟料入波報答球迷支持，話晒海灣者今季踢29場波有12次半場領先，好可能由丹普西完半場前搞掂銀河！