卡坦尼亞讓波露搏殺手影

猪拉多纳

今晚英超曼市打吡曼聯作客受讓平半至半球，「紅魔鬼」評級今季被莊家全面調低，但踢落其實冇乜走樣，依家盤口仲有利咗，好似上周中歐聯主場對利華古遜，曼聯初盤讓半一，臨場有大戶重插下盤，令到佢哋只讓半球，甚至有讓平半低水，結果「紅魔鬼」輕鬆贏波，反映班波仍然有級數，今次對住死敵受讓着數，可秤先多少。
拿玻里有料到唔怕追

至於意甲今季被視為祖雲達斯同拿玻里單打獨鬥之局，肥叔特別欣賞拿玻里，佢哋不但搵到希古恩同連拿呢類優質球員加盟，最重要係請到有料教頭賓尼迪斯領軍，依家個陣執得好靚，今輪作客對住褪色名牌ＡＣ米蘭受讓，個盤着數到不得了，下盤捧得過！

至於今次重心場次都係揀場意甲，卡坦尼亞主場對帕爾馬，主隊開季連輸三場，現時位列下游，成績都幾曳，不過，佢哋有兩場對住實力分子費倫天拿同國際米蘭，輸波好正路。主隊戰績雖曳，但今戰仍然要讓波，反映莊家都睇好呢班波可以反彈，事實上，佢哋向來擁有強大主場威力，今次對住同級對手係開齋好機會。

（周日晚9時開賽）