馬體會頻撲炒唔起奧沙

猪拉多纳

另一場西甲直播由另一支長勝將軍馬德里體育會主場鬥奧沙辛拿，論牌面及近況馬體會當然遠勝對手，不過佢哋過去一個月已經踢咗8場比賽，銳利程度已減低。奧沙辛拿換咗新教練後表現有起色，今仗未必會大敗，「讓球主客和」主隊讓二球太過火，不妨博主隊小勝一粒開「讓球客勝」。

（now 632周三凌晨4時直播）
連場大戰跟尾勒住踢

馬體會開季至今除咗西超盃兩回合打和巴塞隆拿，其餘5場聯賽及1場歐聯全部贏晒，狀態弗到漏，不過佢哋板櫈深度唔算深，來來去去都係嗰13、14個球員落場，經過連場大戰，近期表現已經冇季初咁sharp醒，上仗作客中游球隊華拉度列都要下半場先至奠定勝局，嚟緊周末佢哋聯賽將要作客同市宿敵皇家馬德里，下周中歐聯又要作客波圖，連場惡戰跟尾隨時留有一手。

奧沙辛拿開季聯賽3連敗，球會即炒教練文迪列巴，改由上季帶領艾美利亞升班嘅加西亞執教，上任後首仗雖然輸畀基達菲，但上周返回主場成功擊敗艾爾切取得今季首捷，信心提升了不少，今場只要屯重兵於後防一心求和，主隊未必可以輕鬆大勝。