更捷勝休出可爆

猪拉多纳

　　就今季賽事所見，有些馬經熱身後的表現續進，但其實亦有部分馬特利埋埋出擊；正如列陣第四場五班1800米的「更捷勝」，牠以往在港出賽三季以來，除大前季由吳定強訓練時，於初出一役以99倍落敗外，近兩季先後在高伯新及蘇保羅馬房一出即跑第二（見表），既然有數據支持宜多加留意。

　　「更捷勝」在上月初復課，埋門曾在其贏馬拍檔潘頓胯下試泥閘，可惜大敗而回後，騎者今仗將策騎告「喜跑得」出賽，「更捷勝」則改由安國倫接手，難怪前駒隔晚已被捧成熱門之一，「更捷勝」卻備受冷落。不過，賭馬時刻要講求值博率，「更捷勝」除有休出特佳的賽績外，今仗排一檔，預計沿途可在內慳位角逐，加上安國倫開季至今的搏殺手風不弱，勢成冷門的「更捷勝」應捧得過。