皇者拍檔後上殺敵

猪拉多纳

　　颱風「天兔」得快走得仲快，今晚場地應唔會受影響。不過，阿棟經常掛在嘴邊，谷戰兵荒馬亂，有時幾難拆局，一不小心就會上賊船。所以，非必要時，對熱門馬都係「敬而遠之」。

　　第二場四班1000米。「創出商機」路程性能好鬼窄，亦唔係甚麼好貨色，好在速度高，跑谷草最短途，快鬥快排1檔，師傅又夠硬淨，加加埋埋先至會睇得起佢。但會唔會與「永神駒」鬥放，最終兩敗俱傷，好難估到，弱馬完搏命則係明智之舉。

　　第三場四班1200米。「吉利大師」幾乎次次跑泥地都撞板，上次初出可以唔算數。呢匹馬往時三班贏得，分數差唔多減兩年，落到四班，點會唔超，真係比數更加數。捉路咁諗，韋達棄騎，換個潘頓，同場熱落「善喜」，一個唔好彩佢老哥原來揀錯馬！咁就肥仔。

　　第六場三班1200米。「皇者拍檔」呢系馬支持方氏好耐，方仔一定設法盡早贏馬交代，睇隻馬上季上名兩場都係水準之作，係三班此程中流砥柱。由於今場有好多馬擺頭走，佢後上跑法唔蝕，小何如果舞得掂，講後勁，今場冇乜對手係佢皮。