阿仙奴決心搶盃有回「布」

猪拉多纳

阿仙奴喜訊一單接一單，繼禾確特成為球壇最快球員後，尋日「兵工廠」亦公布埋佢哋個上年度財政報告（截至今年5月31日），共有670萬鎊（約8,300萬港元）收益，雖然比之前嘅3,660萬鎊（約4.5億港元）少，但作為球迷，最開心係見到佢哋終於肯減少轉會收入（賣人）同加班手足嘅人工，證明球會真係轉死性，寧願賺少啲都要爭冠軍。咁有決心，今晚英聯盃第3圈賽事，一於支持佢哋作客砌低西布朗，撐1.85倍客勝。

（開賽時間︰周四凌晨3:00）
禾確特養傷一樣冇有怕

有消息指阿仙奴中場韋舒亞今仗好大機會休息，禾確特因腹肌受傷要抖兩星期，小將費林邦、艾卡邦有望披甲，查實各位球迷唔使擔心嘅，事關「兵工廠」小將質素一向有保證，而且以呢班波作客10連勝嘅氣勢，要再贏一場根本唔難。最重要係阿仙奴今季的確好有決心破錦標荒，又點會想咁快失去其中一個爭標機會先？重返「工廠」嘅中場法米尼，賽前就揚言今晚一定會搏命贏波，唔希望失去任何一個獎盃，事實上，佢嘅掃蕩能力的確能夠減少後防受壓嘅機會，有佢帶住班細路，戰鬥力都信得過嘅。

對家西布朗今季冇咗借將盧卡古線之後表現「大跌Watt」，開季更曾經試過4場聯賽入得1粒，好彩佢哋上仗遇上狀態更差嘅新特蘭，先可以贏到波開齋，但今鋪對手換咗阿仙奴，唔通寄望佢哋連續2場有表現咩？而且射手沙恩朗打柴，要由年輕鋒將比拉希奴擔正拍安歷卡，咁嘅環境，仲憑乜威脅「兵工廠」防線呀？