拜仁[-2]照炒「威」多鋪

猪拉多纳

慕尼黑啤酒節全市玩High晒

拜仁啤酒節大勝開Party！今晚德國盃第2圈有場拜仁主場迎戰漢諾威，呢支德國勁旅喺哥迪奧拿麾下愈踢愈順，實力本身已經大超班，過去數據更顯示慕尼黑啤酒節勁旺佢哋，漢諾威作客戰績一向麻麻，極有可能再次慘敗喺拜仁手上，[-2]都一於捧1.72倍「讓主」啦！

（無綫翡翠台周四凌晨2:30直播）

拜仁上場喺慕尼黑啤酒節前夕，以4:0大炒史浩克04踢出今季聯賽代表作，已經係連續3年喺呢項一年一度嘅盛事前贏波，自2000年以嚟拜仁喺啤酒節前嘅14場比賽，勝率超過6成，亦都只係輸過兩次咋！
葛斯復出 漢諾威作客腳軟

啤酒節家陣已經進行緊全市玩到High晒，除咗洛賓帶埋老婆狂歡外，主帥哥迪奧拿仲因為節日遇着封路，要靠一班「警察球迷」指路先趕得切出席操練，班拜仁球迷亦都好可能因為掛住玩唔睇波，搞到今場波仲有6,000張飛未賣得去！雖然係咁，小妹都深信一班球星喺節慶氣氛帶動之下，個個可以High爆心情應戰，延續近3場全勝兼零失球嘅佳績絕對冇問題，其中文迪蘇傑連續3場有波入，拍住近4場入3粒嘅列貝利，仲要馬里奧葛斯好大機會復出，射爆漢諾威又點會係難事先？

漢諾威喺聯賽嘅表現絕對唔曳，近4場亦獲得3勝，不過要留意嘅係佢哋開咧至今兩場作客聯賽悉數告負之餘，每場仲至少輸兩粒兼1球都入唔到，其中一場正係作客拜仁吞兩蛋，明顯一外訪就死晒火！況且主力射手馬美迪奧夫仲未復出，想破門認真有難度，今場睇怕再要慘敗。