苗禮德求勝心切

猪拉多纳

　　跑了五個回合，開齋馬房漸漸增多，目前尚餘胡蘇賀苗容廐未破蛋。惟看苗廐剛戰的「金滿載」，1.7倍仍傾力演出，頭位飲恨純粹運滯。卻難得的是，苗禮德冷熱不拘照砌盡，可見求勝心切，故賭博士預期，此倉快將有頭馬交代，短期內宜落足眼力。

　　那邊廂，大摩暫得一W一P，大倉來講成績黯然。箇中原因，是摩廐馬班次分布不均，二班馬竟佔大多數，就算馬匹近況趨勇，卻苦於高班賽事編排少，根本請纓無路。

　　事實上，回看至今五次賽事，摩廐出馬僅十三次，谷草開鑼夜賽，當晚更無派兵，這完全是為勢所迫，沒有適合賽期，馬匹欲減分亦無從。但看大摩先前憑「同個世界」捧走廣東讓賽盃，反映他今季作風重質不重量，對比昔日，更集中向高獎金賽事埋手。

　　由下次起便踏入十月，盃賽場合將接踵而來，如國慶盃、沙田短途錦標和精英碗等，相信大摩已妥善部署，長期吼實此倉的盃賽馬匹，肯定冇蝕底。