曼聯攰爆細啃豬頭骨

猪拉多纳

英超曼聯主場對西布朗，「紅魔鬼」季初遭逢地獄賽程，三線作戰之餘，對手亦非善男信女，踢到腳仔軟，射手尹佩斯率先「跪低」，有傷在身上陣成疑，加上將於下周中歐聯作客薩克達，領隊莫耶斯排陣用人，難免會有保留。西布朗屬於正宗「豬頭骨」唔易啃，主Ｗ太熱唔抵玩，讓球主勝風險極高，建議博2.35倍入球細。
尹佩斯傷埋難炒西布朗

英超開鑼個幾月，曼聯已經同車路士、曼城、利物浦交手，周中又同紅軍喺英聯盃對壘，幾乎冇喘息機會。球隊今夏增兵處處碰壁下，人腳頻為緊絀，經過連番惡鬥，容易疲勞受傷，尹佩斯已經中招。由於下周中有歐聯，莫耶斯今仗更加要慳住使，但求小勝已心滿意足。
影大合照朗尼靠邊坐

話就話朗尼腳風頗順，但佢是否真心效忠，始終係未知之數，日前影大合照時，朗尼被安排坐最邊位置，似乎被「邊緣化」，隨時一月走人，唔好太旨意佢。西布朗演出絕對唔失禮，面對大勇嘅愛華頓，力保不失，周中英聯盃鬥阿仙奴，120分鐘打成平手，僅因互射12碼敗陣，非常硬淨，「紅魔鬼」好難咬得入佢哋。