維拉利爾追殺疲兵貝迪斯

猪拉多纳

今晚西甲尾場有貝迪斯喺主場迎戰「黃色潛艇」維拉利爾，主隊今季要應付歐霸盃同聯賽兩條戰線，但係班波嘅板櫈深度明顯唔足夠，撞正西甲開快車相當蝕底，今仗係佢哋21日內踢嘅第5場波，你話冇疲態就假啦！維拉利爾開季至今未嘗一敗，士氣高昂，今晚就算作客都可以睇高一線，玩1.53倍「讓球客勝」非常穩陣。

（開賽時間：周一凌晨3:00）
貝迪斯3日1戰狀態下滑

貝迪斯自從月中贏咗華倫西亞後，每隔三、四日就有比賽，搞到近3戰只得2和1負，顯示賽程頻密帶嚟影響，特別係條鋒線，近3仗只係得佐治摩連拿入咗1球波咁大把！

最慘係貝迪斯上仗作客畢爾包，領先一球下慘被反勝，無疑對士氣構成極大打擊，唔好忘記貝迪斯嚟緊周中又有場歐霸盃作客賽事要打，今仗踢唔踢出水準都成問題。

維拉利爾今季重返甲組，憑住6場攻入12球嘅火力，取得4勝2和嘅不敗戰績，球員狀態一流。「黃色潛艇」除咗作客切爾達一仗互交白卷，其餘5戰最少攻入2粒，中場有靈魂人物卡尼穿針引線，配合前線嘅佩比、杜斯山度士同莊拿芬彭利拿等靈巧型球員，有效率之餘仲幾好睇添o架！咁嘅環境，今晚梗係捧無後顧之憂嘅維拉利爾「讓球客勝」啦！