地頭蟲古賓撲殺蝙蝠

猪拉多纳

今晚歐霸A組頭場，由俄羅斯球隊古賓主場迎戰「蝙蝠兵團」華倫西亞。古賓名不經傳，但佢地主場威力不容忽視，今屆歐戰在自己地頭未輸過，包括附加賽淘汰荷蘭勁旅飛燕諾，陣中仲有前昆士柏流浪球星施斯壓陣，呢位05年贏過歐聯冠軍的法國前鋒雖非必然正選，但其豐富經驗，對初登大雅之堂的古賓幫助甚大。

相反年年賣主力嘅華倫西亞，依家心繫聯賽，難得近排有番起色，唔會喺歐霸搏命，加上正選門將迪亞高艾維斯同後衞荷奧彭利拿因傷缺陣，實力受削，仲要作客更難樂觀，況且佢哋由讓平半轉為平手盤，明顯被睇淡，今仗難全身而退，一於捧古賓。

（有線63台周五凌晨零時直播）