優惠吸客史雲斯大贈送

猪拉多纳

英超球隊史雲斯今輪主場對瑞士代表聖加倫，史雲斯有心喺歐霸盃創佳績，近日推出波飛優惠計劃吸引粉絲撐場，球迷若已買咗嚟緊兩輪主場對聖加倫及古賓嘅波飛，即可獲贈一張免費門券，由即日起如果買兩張飛，第二張會半價，佢哋搞咁多宣傳，目的都係想逼爆球場。

史雲斯首輪作客砌低華倫西亞，一對箭頭米捷同韋菲特邦尼盡顯級數，大軍之前喺外圍賽主場兩戰轟入九球，今次繼續踢好波回饋粉絲，玩大盤啦！

（有線64及203台周五凌晨3時05分直播）