水晶宮輸到慌紅軍嗒糖

猪拉多纳

周末英超開波前先同大家玩《球分新體驗》熱定身，今次同大家講「紋身」（now 621台周六晚6時55分直播）。好多足球員都會有紋身的習慣，當中有些紋身更非常有名，最有名當然是足球界的潮流教父碧咸。「萬人迷」身上的日本風手臂紋身、背上十字架紋身到最有名的「生死由天富貴由命」都成倣效對象。記得早排有球迷跟住紋，但因紋身師傅技術問題，出來的效果惹人發笑。
丹尼爾艾格紋身狂迷

球員紋身就好常見，但球員幫人紋身你又聽過嗎？利物浦中堅丹尼爾艾格其實是個紋身迷，甚至考到專業紋身師傅資格，聽聞不少隊友的紋身都出自他手。

呢位「紅軍」副隊長曾經表示，如果利物浦贏得英超冠軍，就會紋上全隊球員名字，呢個承諾要實現的難度好比一個相撲手跳水零水花，不過今個星期利物浦對水晶宮，紅軍要拎三分就一定冇難度。現在排尾二的水晶宮打六場輸足五場，可謂輸到慌失失，而且要面對狀態大勇嘅「紅軍」前鋒孖寶蘇亞雷斯和史杜列冶，我估計利物浦可以大勝一場而回。

（now 621台周六晚10時直播）