羅渣士要史獨除耳環

猪拉多纳

日前利物浦積極備戰英超主場對水晶宮一戰，但領隊羅渣士喺操練期間竟然要求史杜列治除耳環，但「史獨」都十分聽教聽話，即刻除下耳環。即使無咗對耳環，相信都唔會影響佢近期托弗嘅狀態。正如前紅軍副隊長加歷查話齋，阿仙奴有黃金中場，而利物浦則有最強鋒線，蘇亞雷斯加史杜列治呢對組合已成英超後衞嘅夢魘。阿蘇停完十場後猛虎出柙，上場英超首次上陣對新特蘭即o趙兩粒，呢兩球都係由「史獨」助攻。佢哋合作無間，今仗對住作客已錄得4連敗嘅水晶宮，入波冇難度。
紅軍鬥水晶宮入球騷

但係利物浦防守存隱憂，雖然謝拉特同盧卡斯組成中場第一道屏障，好似好穩陣，但該名紅軍隊長已年屆33歲，仲要場場打足90分鐘，所以好多時去到下半場都冇晒氣，中場防守力即刻大減，今仗更有盧卡斯拎夠牌要停賽，中門大開，面對水晶宮隨時入得多就失得多，捧大盤啱數。