積多福三班大利

猪拉多纳

　　睇到隔晚騎師王賠率，潘頓最熱1.8倍，其次係田泰安及韋達，都係4.5倍多啲。望望3人手上各有重兵，賠率則有差異，會唔會最熱嗰個希望愈大、失望愈大？參考埋第一場開賽前賠率，應該有眉目，如果當中有人熱唔透，唔好以為係筍盤！

　　第六場四班1200米。「大行情」來自苗禮德馬房，呢個馬房今季成績好差，居然同緊蘇胡兩廐做「鄰居」，齊齊居榜尾，阿棟真係覺得啲意外。

　　講番呢匹「大行情」，三班成日追段勁，試過輸唔到一個身位畀今日跑二班賽嘅「醒目波幅」，佢自己就落到四班跑，計來回數，仲唔係大人同細路哥玩。除非接手後操唔起，如有八成已水準夠贏。

　　第八場三班1200米。「積多福」又係另一轉到苗廐寶藏，三班跑3場，冇場唔見影，證明到評分唔係高企。

　　「積多福」呢匹前李廐自購馬，首季已經差啲贏到，可以咁快有好成績交出，實力一定好高好高。粗略估計，二班一樣冇有怕，話唔定將來殺埋上一班，總結佢在三班肯定有壓倒性優勢。

　　陽明星星出色頭馬

　　第九場三班1400米。「陽明星星」笠個眼罩，話贏就贏，仲要直路如入無人之境，呢場四班頭馬極之出色。

　　呢系馬向來唔閃縮，出得實搏，鄭俊偉冇理由唔知，亦冇理由唔操好就安排出賽，呢類賽績穩定之馬，一日未失手，點都要高度注視。