里昂評級下調揸蒙彼利埃

猪拉多纳

各地莊家每逢季前都會為不同聯賽球隊制訂實力評級，開盤時一般都會參考呢個評級，不過，足球世界變得好快，莊家都會因應形勢不斷作出調整。法甲名牌球隊里昂今季早被菠菜公司睇淡，但冇諗過會咁曳，現時佢哋只被評為法甲二線球隊，前景唔多樂觀。

里昂開季走勢唔太曳，但踢落好快露餡，佢哋近期愈踢愈沉，喺聯賽同歐霸盃戰線頻頻失利，反映班波真係見晒底。故此好多菠菜公司近日已全面調低里昂評級，今戰大軍作客蒙彼利埃，由以往唔讓波都偷笑，到依家竟然有得受讓，顯示莊家睇死佢哋唔掂，無謂拗頸，呢場捧上盤！

（周日晚8時開賽）
卡坦尼亞主場搏殺少失手

同日意甲賽事卡坦尼亞主場對熱拿亞，今場睇落唔易揀，但肥叔唔止一次講過卡坦尼亞主場具有強大威力，單計主場評級可以去到意甲一線尾，呢班波喺自己地頭搏殺好少失手，上場輕取同級球隊基爾禾，今次遇上實力接近嘅熱拿亞都係佔上風，小讓平半合理，半個盤博晒一個盤，要上盤！

（周日晚9時開賽）