馬體會愈贏愈有咪拗頸

猪拉多纳

西甲可以同巴塞鍊過嘅唔係皇馬，而係開季7戰全勝嘅馬體會！佢哋今晚主場迎戰切爾達，大有機會延續連勝走勢。馬體會周中歐聯反勝波圖，雙線作戰仍場場開W，今晚返到主場出擊，勢將連勝紀錄加多一場，1.47倍「讓主」趁熱食。

（now635台周日晚6:00直播）
切爾達近4戰3負狀態曳

馬體會今季鋒力超勁，7場聯賽攻入19球，僅次同分嘅巴塞（24球），前鋒韋拿、迪亞高哥斯達、阿達杜倫輪流入波，特別係迪亞高哥斯達，近4場聯賽都有進帳，佢依家力爭「轉籍」為西班牙國家隊上陣，雖然成事機會唔高，但點都要騷Quali，話畀巴西知佢幾有料囉！

作客嘅切爾達喺快車期間表現強差人意，僅得1和3負未嘗一勝，士氣同信心唔會好得去邊！其實戰績差同前線無貨交有莫大關係，佢哋近3場都無入波，今晚對住有高甸領軍嘅馬體會防線，好大機會再食白果。依家一隊喺天、一隊係地底泥，冇理由拗頸唔捧喺天嗰隊馬體會啩！