車仔角球細有「金」執

猪拉多纳

短傳滲入唔玩側擊

今季莫連奴回歸車路士令球迷充滿期望，奈何「藍戰士」就錄得「阿布時代」嘅最差英超開季戰績，呢支倫敦球隊喺周中歐聯大炒布加勒斯特星隊4蛋，總算幫「寸王」減減壓，今晚佢哋造訪鋒力薄弱嘅諾域治照計可以再下一城，考慮到車路士一眾中前場球員都勁鍾意上腳，頭槌亦唔係伊度奧嘅強項，預期側擊攻勢少之餘角球亦唔慌多，中位數係11.5球嘅1.6倍角球細玩得過。

（now621台周日晚8:30直播）
諾域治右翼難過A高

6輪英超過後車路士入咗7球，當中冇一球關前鋒事，由於費蘭度托利斯膝部韌帶受傷要抖3周，今仗伊度奧將會擔正，佢登陸英超之後表現走晒樣，預計「藍戰士」今仗都係要靠一班中前場球員開飯。據英國《天空體育》報道，翼鋒夏薩特已經復操，呢位今季被侵犯之數最多嘅球員（21次），同舒賀爾尼、奧斯卡杜斯山度士等人都鍾意上腳並喺中路入滲，呢個係「藍戰士」今季6場英超有4場開角球細嘅主因。

主隊諾域治開季至今入得4球，根據數據網站《Opta》統計，「金絲雀」有44%攻勢係由右路發動，不過右翼辛迪加斯過關斬將能力有限，今仗對住車路士硬淨左閘艾殊利高爾實冇運行，喺邊路唔荒惡得出樣，橫睇掂睇今場波都係玩角球細好路。