幸運日S布首捷

猪拉多纳

新季到港的S號布馬，跑到開季第七次賽事已經有第一匹頭馬交出，就係尋日跑第四場告東尼旗下嘅「幸運日」。
       
幸運日與多駒纏鬥下僅勝，盡顯勇氣。

呢匹馬嘅馬主何壽基，之前已經養過一匹相同馬名嘅賽駒，又係交由告東尼訓練，贏過兩場，而名下另外一匹「幸運寶貝」成就更加犀利，出道首季三戰全勝，第二季挑戰過一級賽主席短途獎得第四而回。
       
告東尼

至於現役呢匹「幸運日」，就係何壽基委託告東尼代為挑選購入，佢話匹馬質素好高，所以賽前已經有一定把握，果然蔡明紹同馬匹都無令佢失望，並繼承同主馬「幸運寶貝」的優良傳統，一出即勝，有信心頭馬陸續有嚟。
       

蔡明紹上期賽日舉行期間，喺騎師室走廊通道發脾氣擊打牆壁，整爛咗個警鐘，被競賽小組罰五千大元，尋日終於打破兩個賽日悶局贏番場馬，心情應該靚番啲。