國粹精華穩出頭

猪拉多纳

　　今晚不少華倉強陣而臨，如鄭俊偉馬房便派出不少惡馬參賽，賽前有消息傳出，指第七場的「國粹精華」乃馬房搏殺重心。這匹四歲自購馬上仗配杜利萊跑谷草三班1650米，臨場賠率冷落應跟排十二檔有關，結果早段留守尾列，末段在外全力衝刺下跑第二，若非一度受阻，相信未必負於今次又同場的「喜多盈」獲亞。

　　馬房中人指出，「國粹精華」上仗拼後火猛力足，狀態更勝上回，始終在港未勝幕後必具鬥志，一於做馬膽。最強對手是「喜多盈」及「牛精仔」，前駒上仗一望空即突圍而出，姿態似難實易，潘頓更謂此駒谷戰特佳，縱負頂磅亦有得鬥。「牛精仔」態勇路首本，負磅不重要兼顧。

　　此外，徐雨石向來好鬥志，旗下有實力之馬必把握機會盡拼，今晚此出馬也不少，其中最值得睇好的戰駒，乃列陣第二場四班1000米的「金紫荊」；牠上仗在田泰安胯下輕勝同程，據悉馬匹勝後狀態依然大勇，火氣仍十分旺盛，今次再戰贏馬路程，幕後自然有乘勝追擊的部署。

　　「金紫荊」今仗雖排八檔，但田泰安走位靈活應能克服，加上這次徐雨石再替牠用王牌報名，反映必有心盡拼。同場對手中，「咁都得」乃季初特佳馬，此駒速度高跑谷草1000米最合發揮，負磅仍輕有力威脅。