祥勝戰駒轉場照贏

猪拉多纳

　　今期沙田賽事將於明日舉行，過往周末跑馬通常爆冷，但見今次有不少實力馬參賽，有力破數據。

　　第一口孖T頭關第三場五班1800米，「南莊多寶」上季隸屬伍，但因為權哥退休，馬兒今季轉投蘇保羅馬房。別忘記，蘇副練係權哥個仔伍鵬志，呢匹馬點操點保養，蘇保羅點會唔清楚？既然牠上季尾已經開竅，並曾於田草1800米贏馬，蘇保羅今季安排牠於田草1600米熱身一仗後，即刻出王牌替牠報跑1800米，分明係搏殺格。回看此駒上仗轉蘇初出，賽前體重跌了22磅，應該未在最佳狀態，但仍可於與「華劍寶」鬥燒下，只輸三個多馬位給超班頭馬「無敵猛將」跑第五，而當時受惠快步速追入第六的「喜相逢」再出獲冠，「南莊多寶」今次咪走寶。

　　尾關第四場四班1200米，「祥勝戰駒」上仗於谷草1200米作季內初出即爆冷贏馬，別以為牠是符碌，該役步速其實好慢，但牠亦可於末段爆出22秒47獲勝，實力唔簡單，今次轉跑田草都要捧。