意軍避重就輕 丹麥上盤可吼

猪拉多纳

世界盃外圍賽來到尾聲，最緊要認清楚出線形勢，投X策略可以追住已獲決賽周入場券以及篤定出局嘅球隊來反。歐洲區B組意大利已提早出線，餘下兩輪基本上可以當熱身賽咁踢，領隊柏蘭迪利應會趁機試陣，同埋觀察邊緣國腳表現。意大利今仗作客急需搶分嘅丹麥，普遍莊家睇淡意軍，開緊平手盤主隊低水，甚至丹麥讓平半，主隊仍然可以秤先。

（周六凌晨2時15分開賽）

意大利外圍賽整體表現唔錯，但已獲決賽周席位，又唔同講法，球員搏殺鬥志難免打折扣。領隊柏蘭迪利徵召28人入伍，試陣味非常濃，唔可以再用意軍之前演出，作為衡量標準。亦要留意射手巴洛迪利有傷在身，柏帥唔會冒險用殘呢位愛將，避重就輕之下，意大利受讓都冇着數。丹麥落後次席保加利亞1分，肯定豁出去一搏，呢班波人腳唔曳，中場基斯甸艾歷臣功架十足，意大利防守大不如前，好難睇得住佢。
保加利亞為出線必拚

同組保加利亞要贏晒最後兩場，才有機會取得附加賽資格，目標清晰，作客出線機會渺茫嘅阿美尼亞，平手盤要保加利亞。南美洲區厄瓜多爾主場對烏拉圭，屬於爭出線「6分波」， 雙方盡地一煲搏拳，捧入球大。中北美洲哥斯達黎加已獲出線權，作客洪都拉斯，隨時交行貨，睇好主隊贏波。