德國主場炒鑊甘迎偉大Moment

猪拉多纳

爭1分，德國今晚攞多1分就篤定躋身2014世盃決賽周，相信全隊都想喺鄉親父老面前攞威，迎接呢個偉大Moment！呢支歐洲區C組「一哥」家陣雖然大傷「鋒」，不過勝在中場球員夠煞食，就算前線淨係打件麥斯古斯都夠照，對住無欲無求嘅愛爾蘭擺明係大炒格，讓到「-2」都可以照捧2.22倍「讓主」。

（now635台周六凌晨2:45直播）
麥斯古斯擔正有信心

德國受傷病問題困擾，「賓達兄弟」率先打柴，就連馬高列奧斯都因為左腳足踝受傷要退隊，常規前鋒普多斯基、馬里奧高美斯同高路斯又因傷落選，今次大軍只係得麥斯古斯一位正宗前鋒擔大旗，不過亨格比利一啲都唔擔心，事關呢位慕遜加柏球星今季喺德甲已經有5球進帳，有同樣弗爆嘅奧斯爾同悉尼森姆從後作支援，邊使驚冇波入吖？

目前喺C組得11分嘅愛爾蘭基本上出線無望，加上看守領隊路爾京治又被足總通知唔會坐正，成隊波都死氣沉沉咁款。佢哋嘅後防大將奧沙停賽，隊長羅比堅尼又因傷上陣成疑，上年10月場首循環外圍賽喺都柏林都要輸畀德國1:6，今晚去到科隆唔慌有運行。
世盃外歐洲區C組