墨爾本打吡大有睇頭

猪拉多纳

澳職一開鑼已有連場激戰上演，今日就有墨爾本市打吡大戰，墨爾本勝利主場對墨爾本雄心。墨爾本市打吡不嬲都踢得好激，雙方都毫不留力，爭勝決心特別強，預料會大踢進攻足球，捧入球大啱數。

（周六下午4時30分開賽）

墨爾本勝利上季改由獅吼冠軍主帥普斯迪高路執教，埋單攞到第三名，重返爭標行列，但呢隊波踢法有前冇後，上季入咗四十八球成為澳職入波最多球隊，但失波同時亦多，失咗四十五球，比冠軍西悉尼流浪者同第二位嘅中岸水手多出廿球以上，疲弱嘅防線係佢最大弱點，今仗隨時入得多又失得多。
基維爾過檔雄心

曾於2011-12球季効力墨爾本勝利嘅球星基維爾今季加盟死對頭墨爾本雄心，仲做埋隊長，實令到呢場打吡更激。雖然佢已經35歲，但技術同級數仍在，雄心攻力可望提升，而且兩軍近三次對碰均開大，今仗一於再追大盤。