高地換新Look劈錫

猪拉多纳

今晚英甲高雲地利主場對錫菲聯，主隊近況唔差，近五主場贏咗三場，反而錫菲聯狀態低迷，近十二場皆不勝，主帥華亞今仗賽前被炒，球隊無力反彈，捧主Ｗ﹗

（周日晚11時開賽，馬會網上文字直播）

睇番積分榜，兩隊都係排喺下游位置，呢場波擺明就係水鬥水，但凡事都唔可以睇表面嘅，高雲地利其實今季成績唔差，十戰五勝二和三負，本應得十七分排喺第七位，只怪球會因財務問題而被扣十分，搞到依家得七分排十八。可能「高地」財困未有起色，突然喺踢咗十場聯賽後整件新波衫出嚟，班球員今晚會着新衫踢，擺明係想趁機再撈多筆幫輕球會債務，但可憐嘅死忠粉絲又要大出血喇﹗
錫菲聯賽前炒教頭

呢邊廂高雲地利有新波衫掠水，順便可以沖喜一下，但嗰邊廂錫菲聯就死氣沉沉，即使炒咗教頭華亞，短時間內都難翻身，「高地」可望輕鬆取勝，更進取可博上盤。