埃塞俄比亞細盤好路

猪拉多纳

世界盃外圍賽非洲區今晚續演2場第三圈首回合，頭場「超霸鷹」尼日利亞作客埃塞俄比亞。尼日利亞對上3次交手未輸過，不過戰情一次比一次接近，以埃塞俄比亞近10場主場贏9場氣勢，尼日利亞作客絕對唔易踢，讓平半有風險，波童建議捧細盤。

（周日晚9時開賽）
尼日利亞作客唔敢亂攻

埃塞俄比亞史上從未試過打入世盃決賽周，尼日利亞近5屆則4度入圍，而且又係應屆非洲國家盃冠軍，單睇牌面及往績根本冇得打，不過睇番雙方近3次交手，尼日利亞除咗兩年前喺非國盃外圍賽主場大勝過1次，其餘兩次就算贏波都唔輕鬆，當中最近一次喺係今年初非國盃交手，當時尼日利亞只靠域陀摩西斯於比賽末段射入兩個12碼致勝，足證兩者之間距離已經愈拉愈近。

埃塞俄比亞近年於主場出戰特別醒神，除咗曾經打和今場對手尼日利亞，對上10場主場取得9勝1和佳績，包括上圈分組賽3戰全勝。相反尼日利亞上圈分組賽作客面對實力一般嘅馬拉維、納米比亞都贏唔到，唯一勝仗只係小勝肯尼亞一粒，表現欠缺霸氣，既然今場只係首回合，預計尼日利亞會以穩陣行先，讓波唔值博，改捧細盤較划算。
伊度奧出山 喀麥隆受讓筍

較後時間開波有突尼西亞主場鬥喀麥隆，突尼西亞世界排名雖然較高，但論實力唔會高過對手好多，而且佢哋對上七次主場僅贏兩場。喀麥隆賽前成功遊說王牌射手伊度奧「出山」領軍，戰鬥力必有所提升，主隊讓平半必捧下盤。

（周一凌晨1時開賽）